কমল নয়নকে আজু পেখলোঁ মাই (মহাপুৰুষ শ্ৰীশ্ৰী মাধৱদেৱ বিৰচিত )

ৰাগ ।। গৌৰী

ধ্ৰুং- কমল নয়নকে আজু পেখলু মাই 

গােৱিন্দ পেথিতে নয়ন জুৰাই। 

শ্যামল অংগে পিশংগ পিছোৰা

ময়ূৰ মুকুট বনায়।। 

পদ- মৃগমদ মলয়জ মিলিত বহু ভাজিত

চন্দন অংগে চৰাই।

হেমজড়িত বহু ৰতন বিভূষিত

হৰষে চলয় যদুৰায়।। 

পঙ্কজবয়ন স্মিত অৱলােকন

অলক তিলক মুহ শােহে।

সব জগবন্দন নন্দকু নন্দন

কহয় মাধৱ গতি মােহে।।

পলাশ ৰঞ্জন চৌধুৰীৰ প্ৰচেষ্টাত